終於都試咗支Monte Sublime (BY李春)

終於都試咗支Monte Sublime喇
2009-05-22

好耐之前都講過支 Monte 2008 年嘅限量版 Sublime 架啦，但係始終一路都未有機會試，可能係支煙太長同太粗，好似好認真同拘謹咁，而且不嬲都覺得 Monte 嘅味比較濃，下午或者食飯之前都唔係好適合享用。



終於都試咗支Monte Sublime喇 圖片



篇文 (http://www.men1000.com/attitude/blog_detail.php?artid=478) 都講過點解 Sublime 個尺寸咁好啦，上次支 Cohiba Sublime 出咗之後勁大熱，好多人都好鐘意，覺得 Sublime 個尺寸好出到個煙味，而且又老蓮咁大支，對某啲男人來講，可能用來以形補形掛。點都好啦，之前反應咁好，我都忍唔住手，係短短幾個月已經分別買咗兩盒。我平時都好少會喺未試過支煙嘅情況之下會買成盒煙，但係都忍唔住手，幾大意。不過當然啦，喺未買煙之前都做足晒功課，問哂煙友掂唔掂先啦。果然，皇天不負我啲咁嘅勁人，沉晚我終於都試咗支煙喇，又係一支非常之有水準嘅限量版。今次 2008 年嘅限量版有水準之餘，每支仲好有自己嘅特性，全部都可以買一盒或以上。支煙又唔辣啦，味道冇平時啲 Monte 咁行，但係個韻味好長，咁又似返支 Monte 。唔係好香，冇果支 Cuaba 咁犀利。可能因為支煙又長又粗嘅關係，持久力好強，就係好似男人咁囉，唔怪得知啲人鍾意啦。唔知啲女人鍾唔鍾意呢？（都係唔好講啲咁具爭議 '性' 問題，阿老總話喺非常時期要低調啲喎！）不過小弟就覺得如果女人食煙嘅話呢，就唔應該食粗嘅煙，因為女仔隻手比較細，要食啲幼長嘅煙好似靚啲，好優雅咁囉。



By 李春

出處 men1000.com