電話騙案-真人真事

呢個唔係咩來來去去forward個d e-mail, 真係阿mee 身邊朋友發生既事。

話說o係上一兩個星期內, 我有兩位同事既屋企人都分別收過電話騙徒既來電, 其中一位既阿爸好醒目, 聽到"阿仔"打黎好辛苦好趕咁叫阿爸過數比佢, 佢就扮要拎紙筆, 其實就係另外打電話比個仔, 知道阿仔安然無恙就cut左人線, 但當日既血壓都高得很...

另一位同事阿媽就無咁好彩喇, 又或者真係醒過龍, 一聽電話見人地只係叫左一聲"媽咪", 然後唔出聲, 就主動問:係唔係阿丹呀? 佢再唔出聲, 佢就覺得係另一個女婿, 又問人係唔係阿邊個呀? 然後就開始左我地成日o係警訊睇到既騙案橋段, 話急要錢, 叫佢過完數就打電話比佢, 阿媽問咁做咩唔打平時個電話, 佢話個電話無電, 佢依然相信.....

到入左一次錢, 真係聽足晒人講打返電話比人, 咁人家咪又叫佢再入多兩萬啦, 銀行職員都好醒打過電話比佢confirm, 叫佢肯定知道自己過緊數比邊個, 佢仲去鬧人地銀行職員, 結果total 4萬蚊就咁就無左囉!

同事同阿媽去到差館, 佢依然同警察講, "我有睇警訊架, 我知呢d騙案架", 阿sir 回應一句: 咁你係咪即係唔記得左丫?!

阿sir 話呢d騙案真係太多, 有個case 仲過份到係報左警之後再有人扮銀行職員打多次去, 問你係咪已經報左警啊? 不過我地銀行個制度係要佢先再比多5千蚊保證金至可以退返之前d錢比受害人, 結果就係再比人呃多5千.....

所以橋唔怕舊, 最緊要受。唔單止個位過左世既億萬老古井, 其實日日都有一街無知阿婆阿嬸咁比人呃錢, 所以大家都係小心為上, 提提身邊既老人家!

我家兩位老人家都應該安全既
因為平時佢地要用錢都係搵我地D 後生去拎
不過都係要久不久提下佢地

我估我爸係.............會同騙徒講: 你打00852XXXXXXXX去搵佢亞媽過啦! 我無錢架!

偶然心動 寫到:敝老頭精靈異常~~

請打三個空翻以證實所言非虛。